Свято-Крестовская икона Богородицы доступна для поклонения в храме св. ап. и Ев. Иоанна Богослова (Леушинское подворье) в .
Иконы Богоматери участвовали во всех значительных исторических событиях России, часто определяя их смысл и решая их исход. Куликово поле связано для нас с Донской иконой Богоматери. Спасение Москвы от Тамерлана в 1395 г. - с Владимирской, освобождение Пожарским Москвы от поляков в 1612 году - с Казанской иконой, избрание Дома Романовых на царство - с Феодоровской, 1917 год - с Державной иконой Богоматери. Русская история будто проходит пред очами Пречистой Богородицы, которая то плачет о Руси, то вымаливает ей “нечаянную радость”. Не стала исключением и последняя Кавказская война. Хотя она еще не завершена, однако очевидно, что уже навсегда останется в Русской истории связаной с явлением новой иконы Божией Матери - Свято-Крестовской. Эта икона явилась 5 лет назад во время трагедии в 1995 году в г.Буденновске, когда чеченские боевики напали на беззащитный город, захватили больницу с родильным отделением и удерживали в ней в течение 5 дней несколько тысяч заложников. Никто не знал, чем все закончится, сколько невинных людей может стать еще жертвами бандитов. Власти оказались бессильны перед цинизмом и шантажом боевиков. Само нападение имело какой-то мистический смысл. Думается, что не случайно для нападения был избран город, старое название которого на Кавказе еще не забыто - город Святого Креста. Не случайно, видимо, было выбрано и время: сразу после Троицы, в святые дни Троицкой сплошной седмицы. Сама больница, захваченная боевиками, находится на месте старого Воскресенского монастыря, основанного в прошлом веке в память Святого Благоверного Князя-Страстотерпца Михаила Тверского, умученного в 1318 г. в долине Терека (территория нынешней Чечни), ставшего Первомучеником Кавказа. Когда провалились несколько штурмов больницы, переговоры зашли в тупик, когда все человеческие усилия оказались бессильны, - совершилось чудесное событие. 18 июня в день Всех святых и праздник иконы Божией Матери “Умягчение злых сердец” по благословению митрополита Ставропольского Гедеона в единственном храме города в честь Казанской Божией Матери был совершен соборный молебен ставропольского духовенства. В это время над больницей благочестивые верующие люди видели образ Божией Матери, молившейся перед Восьмиконечным Русским Крестом. После молебна требования боевиков резко изменились. Они согласились без каких-либо условий освободить заложников. На другой день тысячи людей вышли из больницы на свободу. Настоятель Казанского храма архимандрит Александр (ныне - епископ Бакинский) записал свидетельства очевидцев и представил их правящему митрополиту Гедеону, который, ознакомившись с ними, увидел во всем происшедшем великое знамение милости Божией заступление Пресвятой Богородицы. На основе записанных свидетельств Владыкаблагословил написать новый образ Божией, Матери. Свято-Крестовская икона стала новой иконографией среди Богородичных икон Русской Церкви. На ней Богоматерь изображена у Креста, напоминая о ее Голгофском стоянии, сложение рук напоминает Семистрельную икону (“Умягчение злых сердец”). На 40-ой день памяти жертв трагедии - 23 июня 1995 г. - икона была принесена в Буденновск, с ней был совершен крестный ход по всему городу. А на месте трагедии у больницы в центре монастыря была заложена памятная часовня (ныне построенная и освященная). Свято-Крестовская икона сразу стала одной из чтимых святынь Северного Кавказа. Прежде на Кавказе почиталась лишь одна местная икона Божия Матери - Моздокская (чтимый список с Иверской). Свято-Крестовская икона явила, что Божия Матерь помнит Свой Первый Земной Удел - Иверию (т.е. Кавказ) и молится за него у Креста Сына Своего, чтобы и над ним воссиял во всей славе Спасительный Животворящий Крест Господень. Митрополит Гедеон, почитатель и молитвенник Свято-Крестовской Божией Матери, составил тропарь, кондак и Акафист новоявленной иконе. Появились и списки Свято-Крестовской Богоматери. Один из них был написан и в далеком от Буденновска Петербурге. Его написал священник петербургской епархии известный иконописец о.Николай Груздев. 19 февраля 2000 г. образ находился на молебне “о даровании победы русскому оружию” и панихиде на могиле генерала Михаила Малафеева в Александро-Невской лавре. А 25 февраля был пренесен в Иоанно-Богословский храм Леушинского подворья, где перед ним был отслужен первый специальный молебен Свято-Крестовскому образу с пением тропаря. Явление Свято-Крестовской Богоматери имеет знаменательный смысл не только для Кавказа, но и для всей России, ибо она явила, что Россия ныне на кресте, что она в страданиях определяет место своего креста на Голгофе: с какой стороны стоит он у Креста Христова справа или слева? Покается ли народ наш, подобно благоразумному разбойнику и удостоится прощения и Царства Небесного, или возбужденный всевозможными страстями, уподобится беззаконному Варавве?

Свято-Крестовская икона Божией Матери находится на Леушинском подворье, всех желающих помолиться пред иконой приглашаем на службы.

Акафист Пресвятой Богородице в честь иконы Ченстоховская (или Непобедимая Победа)
Ченстоховский образ Матери Божией, написанный, по Преданию, святым евангелистом Лукой, издревле известен на Святой Руси.
Принесенный в славянские земли святыми равноапостольными братьями Кириллом и Мифодием, он был свидетелем становления, крещения и воцерковления русского народа.
Ныне же, согласно откровению, переданному нам через преподобного Серафима Саровского, этому образу предстоит сыграть важную роль в освобождении России от ига безбожной власти и возрождения Отечества - если явим послушание Царице Небесной.
Какое повеление Богородицы нам должно выполнить - об этом читатель узнает из текста акафиста.
Здесь же он найдет сведения об истории Ченстоховской иконы.
Братие и сестры!

По благословению старцев во многих храмах и келейно служатся молебны и читаются акафисты Ченстоховской иконе Божией Матери – под праздник Собора Пресвятой Богородицы.
7 января (н. с.) начиная с 16 часов Московского времени, по возможности - всем одновременно, благословляется служить молебны или читать акафисты этой иконе с молитвами о спасении России, против антихристовых сил, о даровании православного Царя. По возможности соборно.
Так же 19 марта , в день Ченстоховской иконы Б.М. читается данный акафист.
Давайте также присоединимся сами и сообщим об этом максимально широкому кругу православных друзей и знакомых. Кто не найдет акафиста Ченстоховской иконе, благословляется читать акафист Покрову Божией Матери или акафист Песчанской иконе Божией Матери (она является списком с Ченстоховской). Божией помощи всем!

Тропарь Ченстоховской иконе Б. М. (глас 4).
Непобедимая Победо, / Владычице Ченстоховская, / древняго иже о нас благоволения Самозрительнице, / будущаго спасения Хранительнице, / покаянием соделай ны новыя грядущему Царю.
Акафист Пресвятой Богородице в честь иконы Ченстоховская (или Непобедимая Победа)

Кондак 1

Взбранной Воеводе, упование земли Русския, похвальное приносим Ти пение. Ты же, Мати Царя небесного, от всякия избави напасти страну нашу и от всех скорбей и бед свободи ны, зовущия: Радуйся, Заступнице Усердная, избави нас от всякого зла и сотвори чудо спасения.

Икос 1

Ангельский собор на Небеси немолчно воспевает Тя, Владычице, и мы земнороднии, притекающее ко иконе Твоей чудотворней, святым Лукою писанной, вопием Ти сице:

Радуйся, Мати света невечерняго;
радуйся, Духа Святаго обитель священная.
Радуйся, светлое благодати познание;
радуйся, ангельских сил ликование.
Радуйся, купино неопальне горящая;
радуйся, Господа сил вечно зрящая.
Радуйся, неувядаемый цвете нетления;
радуйся, образе Христова воскресения.

Кондак 2

Видяще благочестие и веру святыя царицы Елены, обретшия честный животворящий крест Господень, и храмы Тебе воздвигшия во Святей Земли, даровала еси ей, о Богомати, и икону Свою, чрез верных служителей Своих сохраненную от лет древних, да молятся пред нею выну людие, поющии Богу: Аллилуиа.

Икос 2
Разумевше святая царице Елено, яко образ сей есть благословение Божие граду царствующему, постави его тамо в церкви соборней, идеже мнози от него исцеления прияша, славяще Бога и поюще Матери Божией похвалы сицевыя:

Радуйся, чаше, черплющая вечную радость;
радуйся, источниче, изливающий неизреченную сладость.
Радуйся, чертоже рая краснейший;
радуйся, вертограде Христов славнейший;
Радуйся, Духа Святаго селение.
радуйся, Божией Правды врагов посрамление.
Радуйся, духовною радостию нас утешающая;
радуйся, с верою Тя призывающих, не посрамляющая.
Радуйся, Заступнице Усердная, избави нас от всякого зла и сотвори чудо спасения.

Кондак 3

Сила Вышняго храняше икону Твою, Богомати, во дни ересей от поругания, и от лютых иконоборцев погубления, и от рук варварских пленения, яко Самей Ти быти хранительницею верным; такожде и нас сохрани от всякого зла, вопиющим Сыну Твоему и Богу: Аллилуиа.

Икос 3

Имуще сокровище святыя иконы Твоея Богомати, святые Кирилл и Мефодий просветиша земли славянския светом веры Христовой, да уведят язычницы Бога истиннаго и прославят Матерь Божию тако:

Радуйся, идольского служения избавление;
радуйся, с Богом наше примирение.
Радуйся, ключу Царствия Небеснаго;
радуйся, Помощнице жития честнаго.
Радуйся, державная наша строительнице;
радуйся, всесильная в Боге победительнице.
Радуйся, ходатаице за всю вселенную;
радуйся, дарующая жизнь нетленную.
Радуйся, Заступнице Усердная, избави нас от всякого зла и сотвори чудо спасения.

Кондак 4

В бурныя дни нестроений и смут, спасаше икона Твоя, Пресвятая Дево, всех притекающих к ней, и обретаху вси от Тебе покров и заступление вопиюще благодарными сердцы: Аллилуиа.

Икос 4

Слышаще и зряще чудеса, являемыя от иконы Твоея, Пресвятая Богородице, князе галицко-русстии храниша от рода в род святыню сию, молящеся пред нею умиленно:

Радуйся, Агнца и Пастыря Мати нетленная;
радуйся, Дево преблагословенная.
Радуйся, матернюю любовь нам являющая;
радуйся, ризою честною всех покрывающая.
Радуйся, вечных благ надеждо верная;
радуйся, молитвеннице наша усердная.
Радуйся, Судии Праведного умоление;
радуйся, грехов всех наших прощение.
Радуйся, Заступнице Усердная, избави нас от всякого зла и сотвори чудо спасения

Кондак 5

Видеша житилие града Белза грозное нападение агарян, изнесоша на стены града икону Твою чудотворную, Пресвятая Дево, и молиша Тя о заступлении, Ты же ускорила еси тогда на помощь им, поющим: Аллилуиа.

Икос 5

Проведаша всюду людие о дивнем заступлении Твоем, Богомати, яко егда нечестивии татарове стрелою уязвиша на иконе Пречистый Лик Твой, истекший кровию, тогда внезапу тьма и помрачение найде на ня, и друг друга убиваху тии, бежаще вспять. Вернии же, зряще чудо сие, тако благодариша Тя:

Радуйся, от нашествия иноплеменников народ христианский избавляющая;
радуйся, от поражения верных спасающая.
Радуйся, агарянскою стрелою пронзенная;
радуйся, Мати и Приснодево неизреченная.
Радуйся, молящимся токи чудес источающая;
радуйся, печаль нашу на радость прелагающая.
Радуйся, свободительнице плененных,
радуйся, покровительнице обремененных.
Радуйся, Заступнице Усердная, избави нас от всякого зла и сотвори чудо спасения.

Кондак 6

Возсия благодать и мрак исчезе и возвысися рог людей христианских, яко Ты, Богомати, укрепляеши веру православную чудесы и знаменми от святыя иконы Твоея, ихже являеши человеком, поющим Богу: Аллилуия.

Икос 6

Не хотела еси, Пречистая Мати Божия, спутьшествовати отступнику от веры христианския нечестивому князю Опольскому, иже похител бе от верных икону Твою. Ты сама, Богородице, избрала еси местом ея храмину на горе Ясной во граде Ченстохове, идеже и доселе плененна есть латиняны, вспомошествуя всем притекающим к ней и глаголющим:

Радуйся, Матерь Божия, в иконе нас ради закланная;
радуйся, Дево, от начала веков предъизбранная.
Радуйся, Путеводительнице к небу первейшая;
радуйся, всех Ангельских Сил честнейшая.
Радуйся, милосердая всех Мати;
радуйся, неисчерпаемый святый сосуде благодати.
Радуйся, просящим помощь являющая;
радуйся, доброе житие устрояющая.
Радуйся, Заступнице Усердная, избави нас от всякого зла и сотвори чудо спасения.

Кондак 7

Изволивши оставити образ Свой, о Богомати, во граде Ченстохове, сделала еси возок с иконою недвижимым, егда злочестивии тати тщахуся восхитити ю; мы же, вспоминая чудо сие, славу Богу поем: Аллилуиа.

Икос 7

Новое чудо явила еси, Богородице, от образа Своего, поразивши слепотою и скорою смертию богохульников, иже икону Твою мечем уязвиша и на части три разсекоша; мы же сию икону Твою чтуще, величаем Тя:

Радуйся, милости Своя на. нас изливающая;
радуйся, Владыку о всех умилостивляющая.
Радуйся, иконою Твоею подающая от бед сохранение;
радуйся, христиан православных спасение.
Радуйся, злые дела залипающая;
радуйся, милосердие Божие нам являющая.
Радуйся, в печалях и бедах утешение;
радуйся, от нечаянныя смерти спасение.
Радуйся, Заступнице Усердная, избави нас от всякого зла и сотвори чудо спасения.

Кондак 8

Всем притекающим к иконе Твоей и молящимся Ти скорая помощнице являешися, Пресвятая Дево, якоже древле, тако и ныне, заступаеши и храниши чтущих Тя и поющих Сыну Твоему и Богу: Аллилуия.

Икос 8

Убоявшеся воинства свейскаго, сокрыша маловерные латыняне полоненную икону Ченстоховскую в земли силезския, дондеже посла Богомати на помощь ляхам православных русичей, иже изгнали суть супостата из земли словенския, вопияху:

Радуйся, света неизреченнаго таиннице;
радуйся, благодати Божией сокровищнице.
Радуйся, иноплеменных ратей одоление;
радуйся, от разорения и смерти скорое спасение
Радуйся, горняго и дольняго мира Всецарице;
радуйся, всяческих благ подательнице.
Радуйся, от врагов и бед избавление;
радуйся, благое чудо и непрестанное человек удивление.
Радуйся, Заступнице Усердная, избави нас от всякого зла и сотвори чудо спасения.

Кондак 9

Даже в полоне покрываеши мир христианский честным Твоим омофором, Мати Божия, на помощь скоро к нам притекающи, купно со ангелы и святителем Николаем Мирликийским и со всеми угодники Божии за нас пред Богом ходатайствуеши; вонми и ныне гласу молений нас, грешных, поющих Богу: Аллилуия.

Икос 9

Колико веков не слышаше Ченстоховская Богородице молебнаго Ей пения верных, дондеже явися русский православный царь Петр пред образ Ея.
Ему единому отверзла есть уста, Пречистая, да воспоет той в слух мира всего похвалы истинныя:

Радуйся, светом истины нас озаряющая;
радуйся, руце Твоя за ныв молитве воздвизающая.
Радуйся, Бога и человеков нераздельне соединившая;
радуйся, яко смертное естество к бессмертию подвигшая.
Радуйся, верных душ райское услаждение;
радуйся, душепагубных дел удаление.
Радуйся, благочестивых христиан окормительнице;
радуйся, смиренномудрых милостивая вседержительнице.
Радуйся, заступнице усердная, избави нас от всякого зла и сотвори чудо спасения.

Кондак 10

Стена нератуема и ограждение твердое Ты еси людем русским, чтущим Тя, о Божия Мати, яко во мнозех списках иконы Твоея Ченстоховския являеши благоволение Свое: просимое во благо подаеши и гнев Божий отвращаеши от поющих Ему: Аллилуия.

Икос 10

Спасти хотящи род человечь от тьмы неверия и заблуждения, яви, Богомати, миру свет веры православныя, и токмо русскому воинству даде одолети двунадесять языков и крепость вражию, тамо идеже икона Твоея чудотворная стояше. И ныне, вспоминающе чудо сие, тмочисленными устами Ти вопием:

Радуйся, огнем Божественным всепросвещающая;
радуйся, мрак греха отгоняющая.
Радуйся, жестокосердия нашего умягчение;
радуйся, заблудших на путь правый возвращение.
Радуйся, Стено Нерушимая;
радуйся, крепосте необоримая.
Радуйся, Небеси и земли украшение;
радуйся, Надеждо нашего воскресения.
Радуйся, Заступнице Усердная, избави нас от всякого зла и сотвори чудо спасения.

Кондак 11

Пение воспеваем и хвалу приносим Ти, Пресвятая Дево, молимся пред иконою Твоею, на ней же зрим язвы, рукама нечестивых человек нанесенныя, от наших же прегрешений незаживляемыя, но имуще Тя о нас ходатаицу, к Богу взываем: Аллилуиа.

Икос 11

Светоявленная икона Твоя сияет чудесы, Богомати, даже и доднесь являющи нам милость Твою, многажды бо людие тщахуся вапы и хитростьми сокрыти на иконе уязвление пречистаго Лика Твоего, изографы же всуе трудишася, яко паки проступаху язи, ихже мы грехми и беззаконьми нашими наносим Ти; но испроси у Бога нам отпустити долги наша, Дево, и помилуй ны, зовущия:

Радуйся, веры нерушимое забрало;
радуйся, чудес Христовых начало.
Радуйся, врат райских отверзение;
радуйся, тайны Божией всесильное проявление.
Радуйся, приятное молитвы кадило;
радуйся, Носящего вся нупокоение и носило.
Радуйся, людскими грехми уязвленная;
радуйся, в любви Божией утвержденная.
Радуйся, Заступнице Усердная, избави нас от всякого зла и сотвори чудо спасения.

Кондак 12

Благодатию покрый нас, о Пресвятая Дево, исходящею от дивныя иконы Твоея, предстательством Твоим спаси и помилуй страну Русскую, в ней же во дни древния многими чудесы просияла еси, и яви нам, молящимся пред образом Твоимсвятым, чудо спасения, поющим Сыну Твоему и Богу нашему: Аллилуиа.

Икос 12

Поюще пение похвальное усты недостойными, уповаем на милость Божию и Твое, Богомати, застпуление и ходатайство за нас, грешных, пред Господем,яко да дарует державе русстей на супостаты одоление, от иноплеменных поган свобождение, царя православного во охранение и к Царствию Небесному путевождение , и выну буди с нами, зовущими Ти:

Радуйся, Державу Российскую в Бозе устрояющая;
радуйся, под нозе Царя Православного вся покаряющая.
Радуйся, Обличающая ереси и учения душевредныя;
радуйся, призревающая на молитвы смиренныя.
Радуйся, страны Российской Утешение;
радуйся, Церкви Христовой священное Украшение.
Радуйся, дарующая победы верным;
радуйся, Венчающая венцем нетленным.
Радуйся, Заступнице Усердная, избави нас от всякого зла и сотвори чудо спасения.

Кондак 13

О, Всепетая Мати, рождшая всех святых святейшее Слово, призри ныне на царство Твое земное, на дом Твой и удел Твой, землю нашу, и умоли Господа Вседержителя, да не внидет в суд с нами, но да подаст нам грехов оставление, ига бесовскаго свобождение, и святой Руси воскресение, да не престанем присно вопиять Богу верою: Аллилуиа. Аллилуиа. Аллилуиа.

Кондак 13 глаголи трижды, посем Икос I и Кондак 1 (коленопреклонно, кроме от Вознесенья Христова до Троицы)

Молитва Божией Матери пред образом Ея «Ченстоховским».

О Всемилостивая Госпоже, Царице Богородице, от всех родов избранная и всеми роды небесными и земными ублажаемая!
Воззри милостивно на предстоящия пред святою иконою Твоею люди сия, усердно молящиеся Тебе и сотвори предстательством Твоим и заступлением у Сына Твоего и Бога нашего, да никтоже изыдет от места сего упования своего тощ и посрамлен в надежде своей; но да приимет кийждо от Тебе вся по благому изволению сердца своего, по нужде и потребе своей, во спасение души и во здравие телу.

Наипаче же осени и огради покровом Твоим, Милосердая Мати, грядущего Благочестивейшего Государя Императора нашего, Егоже имя Ты веси;
отжени от Него молитвами Твоими всякаго врага и супостата, утверди житие его в мире и тишине, да и мы вси тихое и безмолвное житие поживем во всяком благе, благочестии и чистоте; удержави царство Его во еже быти ему Царству Христову; управи пути и советы Его, да возсияет во днех Его правда и множество мира, да возрадуется сердце его о сущих в державе Его, яко сердце отца о чадех своих веселящегося; на сопротивныя же и лукавнущия в сердцах своих пошли пред лицем Его ужас и трепет, да поне страхом вразумятся и престанут от лукавств своих и противлений, творяще волю Его, яко пред Богом, от души и совести благия.
Моли, Милосердая Владычице, пренебеснаго Бога, да присно церковь свою святую соблюдет, вышним своим благословением архиереев наших православных укрепит, миром оградит и святей своей Церкви целых, здравых, честных, долгодействующих и право правящих слово своея истины дарует, от всех же видимых и невидимых врагов со всеми православными Христианы милостивно избавит и во Православии и твердей вере до конца веков непоступно и неизменно сохранит.
Призирай благосердием, Всепетая, и призрением; милостиваго Твоего заступления на все царство наше Всероссийское, царствующия грады наша, град сей и святой храм сей, - и излей на ня богатыя Твоя милости, Ты бо еси всесильная Помощница и Заступница всех нас.
Приклонися к молитвам и всех раб Твоих, притекающих зде ко святей иконе Твоей сей, услыши воздыхания и гласы, ими же раби Твои молятся во святем храме сем.
Аще же и иноверный, и иноплеменник, идя и проходя зде, помолится, услыши, чадолюбивая Госпоже, и сего человеколюбне и милостивно соделай, яже к помощи ему и ко спасению.
Ожесточенныя же и разсеянныя сердцы своими во странах наших на путь истины настави.
Отпадшия от благочестивый веры обрати и паки сопричти святей Твоей Православней кафолической церкви.
В семействах людей всех и во братии нашей мир огради и соблюди, в юных братство и смиренномудрие утверди, старость поддержи, отрочество настави, мужество умудри, сирыя и вдовицы заступи, утесненныя и в скорбех сущия утеши и охрани, младенцы воспитай, болящия уврачуй, плененныя свободи, ограждая ны выну от всякаго зла благостию Твоею и утеши милостивным Твоим посещением и всех благодеющих нам.
Даруй же, Благая, земли плодоносив, воздуху благорастворение и вся, яже на пользу нашу, дары благовременныя и благопотребныя, всемощным своим предстательством пред Всесвятою Живоначальною Троицею, купно со святыми избранными угодниками Ея Кириллом и Мефодием.
Прежде отшедшия отцы и матери, братия и сестры наша, и вся от лет древних припадавшия ко святей иконе Твоей сей, упокой в селениих святых, в месте светле, в месте злачне, в месте покойне, идеже несть печаль и воздыхание.
Егда же приспеет и наше от жития сего отшествие и к вечной жизни преселение, предстани нам, Преблагословенная Дево, и даруй христианскую кончину живота нашего безболезненну, непостыдну, мирну и Святых Тайн причастну, да и в будущем веце сподобимся вси, купно со всеми святыми, безконечныя блаженныя жизни во царствии возлюбленнаго Сына Твоего, Господа и Бога нашего Иисуса Христа, Емуже подобает слава, честь и держава, со Безначальным Его Отцем и Пресвятым и Благим и Животворящим Его Духом, ныне и присно и во веки веков Аминь.

Эта икона во время трагедии в 1995 году в г.Буденновске, когда чеченские боевики напали на беззащитный город, захватили больницу с родильным отделением и удерживали в ней в течение 5 дней несколько тысяч заложников. Никто не знал, чем все закончится, сколько невинных людей может стать еще жертвами бандитов. Власти оказались бессильны перед цинизмом и шантажом боевиков. Само нападение имело какой-то мистический смысл. Думается, что не случайно для нападения был избран город, старое название которого на Кавказе еще не забыто - город Святого Креста. Не случайно, видимо, было выбрано и время: сразу после Троицы, в святые дни Троицкой сплошной седмицы. Сама больница, захваченная боевиками, находится на месте старого Воскресенского монастыря, основанного в прошлом веке в память Святого Благоверного Князя-Страстотерпца Михаила Тверского, умученного в 1318 г. в долине Терека (территория нынешней Чечни), ставшего Первомучеником Кавказа. Когда провалились несколько штурмов больницы, переговоры зашли в тупик, когда все человеческие усилия оказались бессильны, - совершилось чудесное событие. 18 июня в день Всех святых и праздник иконы Божией Матери “Умягчение злых сердец” по благословению митрополита Ставропольского Гедеона в единственном храме города в честь Казанской Божией Матери был совершен соборный молебен ставропольского духовенства. В это время над больницей благочестивые верующие люди видели образ Божией Матери, молившейся перед Восьмиконечным Русским Крестом. После молебна требования боевиков резко изменились. Они согласились без каких-либо условий освободить заложников. На другой день тысячи людей вышли из больницы на свободу. Настоятель Казанского храма архимандрит Александр (ныне - епископ Бакинский) записал свидетельства очевидцев и представил их правящему митрополиту Гедеону, который, ознакомившись с ними, увидел во всем происшедшем великое знамение милости Божией заступление Пресвятой Богородицы. На основе записанных свидетельств Владыкаблагословил написать новый образ Божией, Матери. Свято-Крестовская икона стала новой иконографией среди Богородичных икон Русской Церкви. На ней Богоматерь изображена у Креста, напоминая о ее Голгофском стоянии, сложение рук напоминает Семистрельную икону (“Умягчение злых сердец”). На 40-ой день памяти жертв трагедии - 23 июня 1995 г. - икона была принесена в Буденновск, с ней был совершен крестный ход по всему городу. А на месте трагедии у больницы в центре монастыря была заложена памятная часовня (ныне построенная и освященная). Свято-Крестовская икона сразу стала одной из чтимых святынь Северного Кавказа. Прежде на Кавказе почиталась лишь одна местная икона Божия Матери - Моздокская (чтимый список с Иверской). Свято-Крестовская икона явила, что Божия Матерь помнит Свой Первый Земной Удел - Иверию (т.е. Кавказ) и молится за него у Креста Сына Своего, чтобы и над ним воссиял во всей славе Спасительный Животворящий Крест Господень. Митрополит Гедеон, почитатель и молитвенник Свято-Крестовской Божией Матери, составил тропарь, кондак и Акафист новоявленной иконе. Появились и списки Свято-Крестовской Богоматери. Один из них был написан и в далеком от Буденновска Петербурге. Его написал священник петербургской епархии известный иконописец о.Николай Груздев. 19 февраля 2000 г. образ находился на молебне “о даровании победы русскому оружию” и панихиде на могиле генерала Михаила Малафеева в Александро-Невской лавре. А 25 февраля был пренесен в Иоанно-Богословский храм Леушинского подворья, где перед ним был отслужен первый специальный молебен Свято-Крестовскому образу с пением тропаря. Явление Свято-Крестовской Богоматери имеет знаменательный смысл не только для Кавказа, но и для всей России, ибо она явила, что Россия ныне на кресте, что она в страданиях определяет место своего креста на Голгофе: с какой стороны стоит он у Креста Христова справа или слева? Покается ли народ наш, подобно благоразумному разбойнику и удостоится прощения и Царства Небесного, или возбужденный всевозможными страстями, уподобится беззаконному Варавве?

Многие люди видели образ Божией Матери, молившейся перед Восьмиконечным Русским Крестом, во время в трагедии в Буденновске.

Митрополит Ставропольский Гедеон, узнав о явлении, велел записать свидетельства очевидцев и ознакомившись с ними, признал это явление чудом Матери Божией,- поручил иконописцам создать согласно с этим явлением новонаписанную икону Божией Матери — к сороковинам поминовения 128 убиенных (всего за 12 дней икона была написана уроженкой Святого Креста(Будённовска), рабой Божьей Ольгой) и сам составил образу Богоматери тропарь и кондак .Икона была освящена на мощах Святителя Игнатия (Брянчанинова) в Андреевском кафедральном соборе города Ставрополя и доставлена Крестным ходом в Святой Крест, где и находится поныне в Казанском храме. Празднование явленной иконе «Свято-Крестовская Пресвятыя Богородицы» по благословению Высокопреосвященнейшего Гедеона, митрополита Ставропольского определено совершать 18 июня.

ИКОНОГРАФИЯ Икона выполнена в новой уникальной технике рельефного шитья, разработанной в ставропольской школе иконотворчества, Ольгой и Евгением Золотаревскими.
Пречистый лик Преблагословенной Богородицы и Ее руки писаны маслом. Одежды, корона, нимб, крест и фон выполнены в материале: ткань, бисер и речной жемчуг.
Богородица, в отличие от Ахтырской, явленной в 1739 г. иконы, изображающей Ее слева от Креста, здесь изображена справа (как в явлении), в молитвенной позе, со скрещенными ладонями на груди, как на иконе "Невеста Неневестная".
На голубом, цвета неба, фоне (так как Пречистая была явлена на воздухе) Богородица предстоит возле Животворящего Креста с надписью IНЦI как Царица небесе и земли, с короной на голове и в красных, словно обагренных кровью мучеников, одеждах.
Композиция размещена еще на одном фоне - золотом, по которому от нее, золотом же, но иного оттенка, отходят лучи в виде еще одного креста.
Смысл изображенного предельно прост: Богородица, Которой некогда Самой "прошло душу оружие", соделанная ныне Богом Царицею неба и земли, как бы всегда предстоит, молясь о нас грешных, у Креста Сына Своего и Господа Бога нашего.
Для святокрестовцев (буденновцев) это еще и напоминание о том святом имени, которое раньше носил их город, а для нас всех - о явной воле Божией, хотящей от нас, живущих в стране оклеветанных и попранных святынь, покаяния нашего, и о великом заступничестве о нас Богородицы, паче же всего охраняющей нас от всякого нашествия агарянского и от всякого зла.

КОРСУНСКАЯ (ТОРОПЕЦКАЯ) ЧУДОТВОРНАЯ ИКОНА БОЖИЕЙ МАТЕРИ Кондак 1

Взбранной Воеводе и Заступнице Усердной рода христианскаго, Пресвятей Деве Богородице, даровавшей стране нашей пречудную икону Корсунскую, благодарственное приносим пение. Ты же, Всемилостивая Владычице, яко имущая державу непобедимую, от всяких нас бед свободи и от враг видимых и невидимых защити, да зовем Ти:

Икос 1

Ангелов лицы и человеков собори благоговейно взирают на чудотворныя образы Твоя, Богородице Пречистая, во объятиих Предвечнаго Младенца держащая. Ты бо любве ради к верующим в Сына Твоего, благословила еси апостола и евангелиста Луку образы Твоя честныя написати, да вси вернии преклоняют пред ними колена душ и сердец, воспевающе Ти таковая:
Радуйся, изображение пречистаго лика Своего нам оставившая;
радуйся, всю вселенную иконами Твоими просветившая.
Радуйся, священнаго иконописания Покровительнице;
радуйся, почитания святых икон освящение.
Радуйся, лествице, Небо и землю соединившая;
радуйся, огнь Божества неопально вместившая.
Радуйся, со апостолы веры истинныя Насадительнице;
радуйся, Домостроительнице нашего спасения.
Радуйся, во Успении Своем мир не оставляющая;
радуйся, чудотворными иконами Твоими милость нам ниспосылающая.
Радуйся, всего мира надеждо и утешение;
радуйся, благоуханный цвете девства и чистоты.
Радуйся, земли Русския скорая Заступнице, любовь Свою и милость нам являющая.

Кондак 2

Видящи Святая Дева изображение лика Своего, еже святый апостол и евангелист Лука написа, рече: «С сею иконою благодать Сына Моего и Моя да пребудет». Темже веруем, яко и с иконою Твоею, нарицаемою Корсунскою, благодать и сила Божественная пребывают. Сего ради, с благоговением притекающе к иконе Твоей чудотворней, воздаем ей честь, яко Тебе Самой, и благодарственно вопием Сыну Твоему и Богу: Аллилуия.

Икос 2

Разум неуразумеваемый человеческими помыслы явила еси, Богородице Дево, егда возсия благодатию во граде Ефесе икона Твоя Одигитрия, святым Лукою написанная, и явися всем православным людем путеводительница и защитница веры Христовы от еретических мудрований, яко во Ефесе святии отцы Третияго Вселенскаго Собора, богомудрия исполненнии, еретическая учения низложиша и божественными словесы Тя, едину истинную Богородицу и Приснодеву исповедаша, верныя научающе ублажати Тя сице:
Радуйся, град Ефес иконою Твоею прославившая;
радуйся, в честней иконе Твоей от всех родов покланяемая.
Радуйся, святых отец, ревнителей веры мудрая Наставнице;
радуйся, именем Божия Матере Собором Вселенским возвеличенная.
Радуйся, лжеучителей еретических низложение;
радуйся, веры православныя непоколебимое утверждение.
Радуйся, яко отступницы от веры отеческия Тобою вразумляются;
радуйся, яко Тобою козни врагов Православия посрамляются.
Радуйся, советы лукавыя и коварство еретиков разоряющая;
радуйся, светом истиннаго богопознания нас просвещающая.
Радуйся, православных догматов Охранительнице;
радуйся, учением истинным и доныне нас питающая.
Радуйся, земли Русския скорая Заступнице, любовь Свою и милость нам являющая.

Кондак 3

Сила Божия укрепи тя, преподобная мати Евфросиние, егда слышавши о величии чудес, исходящих от икон Богоматере, апостолом Лукою созданных, восхотела еси принести едину от них во град свой. Сего ради, создавши в нем обитель иноческую, испросила еси у благочестиваго царя Мануила и патриарха Царяграда Луки икону Пречистыя Владычицы Одигитрии, яже во Ефесе, да покровом Ея защищаеми, иноцы обители и вси людие града Полоцка в веселии сердец воспевают Богу: Аллилуия.

Икос 3

Имущи Матернее попечение о просвещении земли Русския, благоизволила еси, Владычице, даровати праотцем нашим икону Твою чудотворную, Одигитрию Ефесскую. Темже царь и святейший патриарх, уразумевше волю Твою, принесоша из Ефеса в Царьград икону сию, и отпустиша ю на Русь, да будет в знамение покрова Твоего всем людем русским, прославляющим милосердие Твое неизреченное, и воспевающим Ти с любовию таковая:
Радуйся, отчизну нашу яко жребий Свой возлюбившая;
радуйся, лучами чудотворных икон землю Русскую озаряющая.
Радуйся, страну нашу Российскую достоянием Своим избравшая;
радуйся, образ Твой чудотворный в утешение и радость даровати нам изволившая.
Радуйся, благое промышление о стране нашей явившая;
радуйся, любовь Твою к русским людем показавшая.
Радуйся, град Полоцк иконою Твоею Ефесскою облагодатствовавшая;
радуйся, во святем житии преподобную Евфросинию утвердившая.
Радуйся, Царьград на пути в землю Русскую посетившая;
радуйся, вся страны православныя покровом милости Твоея осеняющая.
Радуйся, Путеводительнице, к Небесному Отечеству нас возводящая;
радуйся, пред Богом милостивая наша Предстательнице.
Радуйся, земли Русския скорая Заступнице, любовь Свою и милость нам являющая.

Кондак 4

Бурю скорбей и напастей в людех Своих утолити хотящи, святую икону Твою Ефесскую, шествующую на Русь из земли Греческия, граду Корсуни даровала еси, Владычице, да познают вси христиане, коль сильна есть помощь Богоматере, и да поклоняются священному и прославленному образу Твоему, Господеви зовуще: Аллилуия.

Икос 4

Слышавше жителие Корсуни о пришествии иконы Твоея, Богородице Дево, и о чудесех от нея бываемых, скорбию одержими быша за отшествие чудотворнаго образа от града их. Обаче уведевше, яко сия пречестная икона в наследие христианом Руси даровася, благодаряху Тя, Пречистая, за милости Твоя, и отпустиша икону в надежде на предстательство Твое пред Богом. Мы же, обетование радости сея приемше, гласом хваления приносим Тебе таковая:
Радуйся, чудесы многими шествие иконы Твоея знаменавшая;
радуйся, принесением ея град Корсунь освятившая.
Радуйся, иконою Твоею чудотворною жителей града возвеселившая;
радуйся, предстательством о них Бога умилостивляющая.
Радуйся, икону Твою, яко проповедницу спасения, едино лето в Корсуни оставившая;
радуйся, Предстательнице наша к Богу, мир спасающая.
Радуйся, всемогущество Христово иконою Твоею возвещающая;
радуйся, дары милостей и исцелений от нея источающая.
Радуйся, о всех чтущих образ Твой промышляющая;
радуйся, всем молящимся пред ним покрове и спасение.
Радуйся, скорбь людей корсунских о лишении образа Твоего в радость претворившая;
радуйся, о всем мире христианстем Ходатаице.
Радуйся, земли Русския скорая Заступнице, любовь Свою и милость нам являющая.

Кондак 5

Боготечная звезда, землю Русскую сиянием преславных чудес просвещающая, явися чудотворная икона Твоя, Пресвятая Дево, из Корсуни принесенная, юже, яко дар Божественный восприимши, преподобная Евфросиния, радостию несказанною исполненная, постави в церкви Святаго Спаса града Полоцка, и от того часа наречеся дивная икона сия Корсунская. Сего ради молим Тя, Всемилостивая Владычице, освети и нас светом небесным, сохраняющи под кровом Твоим, и услыши глас всех верных страны нашея, любящих Тя и поющих Богу благодарственную песнь: Аллилуия.

Икос 5

Видевше чудеса и знамения от иконы Твоея, Пресвятая Владычице, князи и вси благовернии жителие полоцстии благоговейне храниша святыню сию, яже явися воистинну благая Одигитрия, на путь спасения многих приводящая; к Тебе бо прибегаху людие, помощи на вся дела своя просяще, и благодарная моления приносяще за избавление от скорбей и напастей. Сего ради тако прославляем Тя, Пречистая:
Радуйся, шествием иконы Твоея землю Русскую освятившая;
радуйся, принесением на Русь честныя Твоея иконы нас обрадовавшая.
Радуйся, града Полоцка верная Хранительнице;
радуйся, жителей его милосердная Покровительнице.
Радуйся, обитель преподобныя Евфросинии под Матерний Покров с любовию приемшая;
радуйся, образом Твоим чудотворным обитель сию обогатившая.
Радуйся, преподобней Евфросинии небесная Покровительнице;
радуйся, и в затворе иночестем дивная ея Собеседнице.
Радуйся, яко с верою и надеждою покланяемся пречистаго лика Твоего изображению;
радуйся, яко от него приемлем благодатныя дары на пользу душ и телес наших.
Радуйся, святую икону сию в залог милости Своея нам даровавшая;
радуйся, яко Тобою вера православная в стране нашей утверждается.
Радуйся, земли Русския скорая Заступнице, любовь Свою и милость нам являющая.

Кондак 6

Проповедница благодати от иконы Твоея явися Александра, дщи полоцскаго князя Брячислава, иже вручи княжне святыню града своего, благословив на брак с Великим князем Александром Невским. Таже, по глаголу летописца, оженися князь Александр Ярославич и венчася в Т́ропце, и остави благоверная супруга его икону Корсунскую в соборе града сего. Темже радующеся покрову Твоему, Пречистая, дарованному во образе сем, умиленною душею и сокрушенным сердцем взываем Богу: Аллилуия.

Икос 6

Возсия во граде Торопце, яко пресветлая заря, святая икона Твоя Корсунская, Богомати, пред неюже православнии людие во всех бедах, скорбех и печалех молитвенно колена преклоняют. Сего ради вси вернии с любовию к чудотворней иконе Твоей, Пречистая, притекающе, единеми усты и единым сердцем велегласно Тебе возглашают:
Радуйся, иконою Твоею святаго князя Александра с княжною Александрою благословившая;
радуйся, любовь Божественную и согласие в сердца супругов вкоренившая.
Радуйся, домов благочестивых незримое ограждение;
радуйся, благая Домостроительнице жития нашего.
Радуйся, град Торопец, яко место пребывания иконы Твоея, освятившая;
радуйся, по всей земли нашей его прославившая.
Радуйся, пришествием чудотворнаго образа Твоего землю Псковскую осиявшая;
радуйся, яко и в пределех Торопца славу чудес Твоих показала еси.
Радуйся, иконою Твоею град сей от всяких бед избавляющая;
радуйся, благое о нем попечение явившая.
Радуйся, града Торопца похвало и славо;
радуйся, гражданы его радостию небесною исполнившая.
Радуйся, земли Русския скорая Заступнице, любовь Свою и милость нам являющая.

Хотяще полки сильных воинов литовских град Торопец пленити, огню и мечу землю нашу предати, и веру православную в ней разорити, обаче преславным заступлением Твоим, Пречистая Владычице, даровала еси благоверному князю Александру Невскому помощь, и град Твой от разорения чудесно спасла еси. О Владычице и Взбранная Воеводо воинства православнаго, сподоби и нас, вкупе с великим воином и заступником земли нашея, сокрушати врагов державы Российския, и воспевати Христу Богу нашему победную песнь: Аллилуия.

Новое знамение милости Твоея о граде Торопце явила еси, Пресвятая Дево, егда прииде на Русь воевода литовский Сапега с воинством великим, яко море грозное и мрачное, в скорбь погрузивше землю нашу и пленивше ю. Тогда вси жителие града устремишася в храм Твой, пред иконою Корсунскою со слезами молящеся о избавлении от погибели. Ты же, Пречистая, устрашила еси врагов, и бежаша неудержимо полки Сапеги от стен Торопца. Темже победу славную, всесильною помощию Твоею совершившуюся, и доныне православнии празднуют, воспевающе сице:
Радуйся, благовернаго князя Александра на подвиг ратный укрепившая;
радуйся, мужество неодолимое воином его даровавшая.
Радуйся, град Твой Торопец от разорения избавившая;
радуйся, в щит и ограждение цельбоносную икону Твою нам оставившая.
Радуйся, от огня, меча и нашествия иноплеменных нас свобождающая;
радуйся, во бранех силу духа русских воинов возвышающая.
Радуйся, коварнаго врага внезапным бегством истребившая;
радуйся, упования на помощь Твою не посрамившая.
Радуйся, полцы чуждих далече от святыни Твоея отгнавшая;
радуйся, чтущим образ Твой на враги способствующая.
Радуйся, боголюбивых воинов на поли брани благая Покровительнице;
радуйся, венцы мученическия убиенным православным воином уготовляющая.
Радуйся, земли Русския скорая Заступнице, любовь Свою и милость нам являющая.

Странное и неизреченное чудо у иконы Твоея, Всемилостивая Владычице, совершися: девица некая, бесом томимая, молитв ради Церкве Святыя, наипаче же Твоим, Богомати, предстательствам и благословением, потщися направити стопы своя во обитель преподобнаго Нила Столобенскаго, и тамо свободися от насилия диавола, и исцелися от болезни своея. Темже и нас грешных от действия диаволя свободи, Всеблагая, да благодарственно зовем Сыну Твоему и Богу: Аллилуия.

Весь мир преисполнен, яко звездами богосветлыми, чудотворными иконами Твоими, Богородице, в нихже икона Твоя Корсунская предивными чудесы сияет, и согревает хладная сердца наша знаменьми любве Твоея и милости. К Тебе убо прибегаем, Пресвятая Заступнице, и пред образом дивным молим Тя: исполни радости скорбящая сердца наша, мрак уныния разгони, умоли Сына Твоего прощение прегрешений нам даровати, и сподоби чистым сердцем воспевати Тебе тако:
Радуйся, благ временных и вечных Ходатаице;
радуйся, живоносный источниче, всех нас животворяй.
Радуйся, девицу, злым духом одержимую, от мучения демонскаго свободившая;
радуйся, яко иконою Твоею сила диаволя прогоняется.
Радуйся, козни духов злобы разрушающая;
радуйся, от нападений их нас ограждающая.
Радуйся, ада и смерти попрание;
радуйся, жизни вечныя дарование.
Радуйся, демонския полки побеждающая;
радуйся, враги спасения нашего посрамляющая.
Радуйся, светом Божественныя благодати души наша озаряющая;
радуйся, на подвиг духовныя брани нас невидимо укрепляющая.
Радуйся, земли Русския скорая Заступнице, любовь Свою и милость нам являющая.

Кондак 9

Всякое естество ангельское благоговейно Тебе служит, Небесе и земли Царице, человеческий же род непрестанныя хвалы Тебе приносит, и Твою святую икону с любовию почитает. Сего ради, в благодарную память Твою, жителие града Торопца воздвигоша новую соборную церковь в честь Корсунския иконы Твоея, Богомати, в нейже и доныне вернии не престают прославляти Тя, Владычице, воспевающе благодарственную песнь: Аллилуия.

Икос 9

Ветии многовещаннии не возмогут по достоянию воспети множество чудес, от святыя иконы Твоея являемых, имиже православныя люди от бед, напастей и всякаго зла сохраняеши, ибо в земли нашей прославися не токмо первописанная икона Твоя Корсунская, но и многи грады, веси, обители иноческия и храмы украсиша подобия ея, пред нимиже теплятся лампады неугасимыя и воздыхания молитвенная не умолкают. Сего ради благодарим Тя, Госпоже Всемилостивая, за дар сей отечеству нашему, и с веселием Тебе взываем:
Радуйся, благодать иконам Твоим даровавшая;
радуйся, всю землю нашу лучами благодати озарившая.
Радуйся, страны Российския Покрове, ширший облака;
радуйся, православныя веры в ней возвышение и утверждение.
Радуйся, грады и веси наша принесением иконы Твоея от бед сохраняющая;
радуйся, храмы и домы наша иконою Твоею благодатно посещающая.
Радуйся, благолепный храм, аки жертву приятную Тебе принесенную, благословившая;
радуйся, в красоте его красоту небеснаго храма показующая.
Радуйся, святых храмов Божиих благодатное освящение;
радуйся, строителей их и благоукрасителей любовию Твоею покрывающая.
Радуйся, пришествием иконы Твоея радости наша умножающая;
радуйся, иконою Твоею присно нас утешающая.
Радуйся, земли Русския скорая Заступнице, любовь Свою и милость нам являющая.

Кондак 10

Спасти хотяще град Торопец и окрестная селения его от всегубительныя язвы, людие, страхом смерти одержимии, притекоша с верою и надеждою к иконе Твоей Корсунстей, и с пением обносиша ю окрест домов своих. И не посрамися вера их: Ты бо, Всемилостивая, укротила еси бурю смертную, яко заступлением Твоим недузи отступаху, людие же, исцеление от болезни получивше, в радости сердец своих воспеваху Богу Спасителю нашему благодарственную песнь: Аллилуия.

Икос 10

Стену необоримую и крепкое заступление даровала еси граду Торопцу иконою Твоею чудотворною, Богородице Дево, ибо во дни тяжких испытаний и нападений вражиих помощь от святыя иконы Твоея получаху жителие града многочудесно. Темже молимся Тебе, о Всеблагая Мати, якоже град сей древний многажды от погибели спасала еси, тако и нас грешных спасай от всяких бед, зол и напастей, предстательством Твоим к Сыну Твоему, да благодарственно зовем Ти:
Радуйся, от язвы всегубительныя чудесное избавление;
радуйся, гнев Божий праведный, на ны движимый, утоляющая.
Радуйся, прекращением язвы благодатную силу иконы Твоея возвестившая;
радуйся, милость Божию к нам грешным явившая.
Радуйся, яко принесением иконы Твоея болезни лютыя отступают;
радуйся, яко паче жемчуга икона Твоя слезами радости украшается.
Радуйся, во дни мора и язвы непреложная наша надеждо и ограждение;
радуйся, Предстательнице к Богу, мир спасающая.
Радуйся, иконою Твоею нам благодеющая;
радуйся, щедроты великия на нас изливающая.
Радуйся, града Торопца Небесная Заступнице;
радуйся, яко и ныне гражданы его любовию Твоею не оставляеши.
Радуйся, земли Русския скорая Заступнице, любовь Свою и милость нам являющая.

Кондак 11

Пение похвальное приносят вернии Тебе, Владычице Преблагая, яко от лет древних и доныне силу огненнаго естества укрощаеши иконою Твоею Корсунскою, и многая чудеса содеваеши: храм бо Твой и град Торопец от запаления огненнаго многажды неврежденны сохраняла еси покровом Твоим. Темже молим пред пречистым образом Твоим: избави нас от пламене страстей и от огня вечнаго, да спасеннии Тобою, воспоем Богу благодарственную песнь: Аллилуия.

Икос 11

Светозарная свеща явися предивная икона Твоя, во граде Торопце возсиявшая и всю страну нашу Российскую озарившая, Владычице Всемилостивая, се бо хромии ходят, разcлабленнии востают, беснующиися исцеляются, людие от смертоносныя язвы избавляются, грады и домы от огня спасаются. Мы же, ведуще Тя яко источник благодатных исцелений, со дерзновением вопием:
Радуйся, Мати Врача Небеснаго;
радуйся, душевных и телесных недугов Целительнице благодатная.
Радуйся, любве Божественныя светильниче светозарный;
радуйся, свеще неугасимая, души верных светом Христовым осиявшая.
Радуйся, чудотворною иконою Твоею пламень огня угасившая;
радуйся, от запаления огненнаго росою молитв Твоих избавляющая.
Радуйся, силою Твоею благодатною силу естества огненнаго победившая;
радуйся, образ Твой яко неопалимую купину явившая.
Радуйся, землю Русскую светом Своим озарившая;
радуйся, Псковския и Тверския земли солнце пресветлое.
Радуйся, от глада, хлада, труса, потопа, огня и меча страну нашу ограждающая;
радуйся, хлебом насущным нас питающая.
Радуйся, земли Русския скорая Заступнице, любовь Свою и милость нам являющая.

Кондак 12

Благодать свыше даровася святей иконе Твоей Корсунстей, Владычице Преблагая, от неяже точатся исцеления и даруется утешение людем православным, наипаче же Тебе, Матерь Света, в песнех величающим. Темже молим Тя: сохрани град Твой и возлюбленную Тобою страну Российскую от всяких нестроений, неверия и суеверия, от тлетворных учений, да осеняеми покровом Твоим, сподобимся предстати престолу Царя Славы, поюще о Тебе хвалебную песнь: Аллилуия.

Икос 12

Поюще чудеса и милости, от иконы Твоея Корсунския являемыя, радуемся неизреченно, и с любовию прибегаем к Тебе, Небесной Заступнице и Покровительнице нашей: хвалим, славим и величаем Тя, честнейшую Херувим и славнейшую без сравнения Серафим, веруем, яко и в последняя времена даруеши благодатную помощь, и имиже веси судьбами сохраниши Церковь нашу Православную и чад ея. О Всемилостивая Мати, покрый нас честным Твоим омофором, и избави нас от всяких бед и искушений вражиих, да воспоем Тебе непрестанно гласом радования:
Радуйся, Церкве Небесныя и земныя украшение;
радуйся, во славе Небесней одесную Бога пребывающая.
Радуйся, яко Тобою Русь православная хранится;
радуйся, яко Тобою весь род христианский хвалится.
Радуйся, праотцы и отцы наша во благочестии сохраньшая;
радуйся, царства Российскаго благодатное утверждение.
Радуйся, яко на икону Твою взирающе, Самой Тебе, Богородице, покланяемся;
радуйся, яко иконою Твоею святою окамененная сердца наша умягчаеши.
Радуйся, святому патриарху Тихону под кровом Твоим во граде Торопце пожити даровавшая;
радуйся, яко ныне вкупе с ним молиши за нас Сына Твоего и Бога.
Радуйся, торжество веры православныя в стране нашей являющая;
радуйся, Радосте наша, двери райския верным отверзающая.
Радуйся, земли Русския скорая Заступнице, любовь Свою и милость нам являющая.

Кондак 13

О Всепетая Мати, Царице Небесе и земли, Радость всему миру родившая, приими сие малое хваление наше, пред чудотворною иконою Твоею с верою и любовию возносимое, и всесильными молитвами Твоими спаси землю Русскую, отечество наше от врагов защити, печали наша в радость претвори, в любви и согласии всех людей православных соедини, и сподоби внити в радость Господа и Спасителя нашего, возносяще Ему ангельскую песнь: Аллилуия.

Этот кондак читается трижды, затем икос 1-й: «Ангелов лики и человеков собори … » и кондак 1-й: «Взбранной Воеводе и Заступнице усердной… ».

МОЛИТВА

О Всемилостивая Госпоже, Мати Господа и Спасителя нашего, Небесе и земли Царице! Ты благоизволила еси даровати стране нашей образ Твой, святым апостолом и евангелистом Лукою написанный, и град Торопец пришествием Твоим возвеличила еси, повелевающи всем притекати к Тебе с верою и надеждою на скорую помощь и заступление. Приими хвалебное пение сие от нас, недостойных раб Твоих, и вознеси молитвы наша ко Престолу Сына Твоего и Бога, да милостив будет нам грешным, с верою и любовию покланяющимся чудотворному образу Твоему, воспоминающе многая и дивная чудеса, во граде сем и во иных весех и градех земли Русския явленных и являемых. Спаси и сохрани, Владычице, Церковь Русскую Православную, страну нашу Российскую, град наш и вся грады и страны христианския от глада, смертоносныя язвы, огня, меча, междоусобныя брани, даруй нам воздуха благорастворение и земли плодоносие. О Пресвятая Дево, Благая Одигитрие, указуй нам правый путь ко спасению, еретическая возстания низложи, заблуждшия во едино Христово стадо собери, уврачуй язвы душ и телес наших, просвети наш ум, омраченный страстьми, даруй нам время на покаяние и исправление греховныя нашея жизни, и избави нас от скорбей, бед и болезней, от внезапныя смерти и вечныя муки, да спасаеми всесильным Твоим заступлением, Царствие Небесное унаследуем, и со всеми святыми воспоем Пресвятую Троицу, Отца, и Сына, и Святаго Духа, и Твое к нам милосердие во веки веков. Аминь.

КОРСУНСКОЙ-ЕФЕССКОЙ ИКОНЕ БОЖИЕЙ МАТЕРИ

Тропарь, глас 4:

Днесь светло красуется древний град Торопец,/ и с ним вся земля Русская ликовствует,/ прославляющи чудотворную икону Твою, Владычице,/ яко заря солнечная от земли Греческия возсиявшую./ Источает бо нам неоскудныя милости/ Пресвятая Богородица,/ и сохраняет вся грады и страны христианския/ невредимы от всех навет вражиих./ Сего ради с любовию возопиим:/ молитвами Твоими избави нас от всякия нужды и печали,/ и спаси души наша.

Кондак, глас 2:

Яко солнце незаходимое/ возсия во граде Торопце икона Твоя, Богородице Дево,/ святым апостолом Лукою написанная,/ и страну Российскую лучами благодати и милосердия Твоего озарившая,/ к нейже притекающе с любовию вернии/ от всяких болезней исцеляются,/ в скорбех утешение, в бедах избавление приемлют./ Ты же, Всемилостивая Владычице, сохрани град Твой/ и вся грады и веси земли нашея от всякаго зла,/ да зовем Ти, Небесе и земли Царице:/ радуйся, Невесто Неневестная.

Тропарь, глас 4:
Поется во граде Полоцке

Днесь светло красуется древний град Полоцк,/ и с ним вся земля Русская ликовствует,/ прославляющи чудотворную икону Твою, Владычице,/ яко заря солнечная от земли Греческия возсиявшую./ Источает бо нам неоскудныя милости/ Пресвятая Богородица,/ и сохраняет вся грады и страны христианския/ невредимы от всех навет вражиих./ Сего ради с любовию возопиим:/ молитвами Твоими избави нас от всякия нужды и печали,/ и спаси души наша.

©Акафист составлен А. Трофимовым

Уход